ازاى نتغلب علي #الكورونوفوبيا و #القلق_المرضي و #الإكتئاب :
- الخطوة الأولي و الأهم هي التوقف عن متابعه الأخبار المقلقه و الغير موثوق منها و إعداد المصابين و الوفيات و غيرها علي وسائل التواصل الاجتماعي او المسائل الإعلامية او مجرد الحديث عن الكورونا او اي موضوع مقلق مع الاقارب او الاصدقاء .
- تعديل الساعه البيولوجية عن طريق النوم لمده ٨ ساعات متصله في الليل و الاستيقاظ في النهار لأن تغيير نمط النوم اثناء النهار و عكسه و قلب الساعه البيولوجية يؤدى لحدوث قلق و توتر سيكولوجي.
- عدم الإكثار في شرب الكافيين او النيكوتين زى القهوة و الشاى و السجائر لأنها تزيد من العصبيه و الشعور بالقلق
-الفراغ هو السبب الرئيسي للشعور بالقلق و الإكتئاب لأن الإنسان بيسترجع كل الذكريات المحزنة و الخبرات السلبيه و عشان كدا لازم يبقي فيه قائمه أهداف محددة او خطه يوميه يعملها و ينفذها بحيث ميبقاش فيه اي وقت فراغ في يومه . - لازم الإنسان يتعود انه يكافئ نفسه بعد كل إنجاز بيعمله فيومه و يفتخر بيه مهما كان بسيط.
- لازم نمارس الرياضه او الرقص في البيت لأنها بترفع هرمونات السعاده بتأثير متقارب لتأثير الادويه مضادات الإكتئاب و مثبتات المزاج.
- لازم نعمل نشاط اجتماعي داخل حدود البيت و الاسرة يعني نطبخ سوا كلنا او ناكل سوا او نمارس رياضيات كلنا الأهل و الولاد في البيت او نرسم كلنا.
- لما تحس باعراض اكتئابيه او قلق شديده لازم تتواصل مع مختص
- لو طقوس النضافه عندك بتستغرق اكتر من ساعتين في اليوم او الأفكار المقلقه بتاخد منك اكتر من ساعتين في اليوم يبقي لازم تراجع مع مختص
- لازم تعمل تمارين الاسترخاء و تتنفس من مناخيرك و تطلع النفس من بقك و تسمع موسيقي هاديه او قرأن .
- الصلاه و ممارسه الشعائر الدينيه و الصوم بتقلل القلق و التوتر تم ثبوتها علميا.
- لازم تعمل تنفيس و تفريغ انفعالي بشكل دائم مع شخص ثقه.
- لو قعدت سرحت مع نفسك فافكار سلبيه او مقلقه فلازم يا اما تعمل تشتيت للفكرة و ابدالها عن طريق انك تفكر فحاجه تانيه او تغير نمط السلوك يعني تقوم تتكلم في التليفون او تتفرج علي فيلم بتحبه .
تعمل قائمه الأنشطة السارة و لازم علاقل ساعه فليوم تعمل فيها حجات بتحبها و حجات بتخليك مرتاح و حاسس بالثقه. - لازم علاقل ساعه فليوم تعمل حاجه بتنمي من خلالها مهاراتك اللغويه او الاجتماعيه او البينشخصيه.
- لازم تنظم يومك صح و تعمل هوايه بتحبها كل يوم و لو متعرفش هوايتك اعرفها دلوقتي سواء رسم او كتابه أو شعر او غناء او تمثيل او القاء او طبخ او موسيقي لازم تلاقي نفسك.
دى بعض النصائح العلميه السيكولوجية
و اي سؤال او استشارة نفسيه تحت امركم دمتم سعداء 🤲
آية الجمل اخصائيه نفسيه اكلينيكية
يجب عليك تسجيل الدخول لاضافة تعليق.