fbpx

علاج السجن النفسي (اضطرابات القلق)

20200411 123152 علاج السجن النفسي (اضطرابات القلق)

اضطرابات_القلق

20200411 1216141004951750196261570 علاج السجن النفسي (اضطرابات القلق)
السجن النفسي (اضطرابات القلق )

اعراض اضطرابات القلق :

” مشكلتي انى عايزة اطمن و طول حياتي بدور علي الشعور بالامان لانى دايما خايفه .. خايفه من بعد الناس عني .. خايفه محققش الي انا بتمناه .. بخاف إن الي بيحبهم يجرالهم حاجه.. بخاف اجري طول حياتي و اكتشف فلاخر انى كنت غلطانه و بجري علي مفيش … بخاف ادخل اي تجربه جديده.. بخاف من الحب عشان مكررش الي شفته في علاقه امي و ابويا .. بخاف اتساب في عز ما انا محتاجه الي حواليا … بخاف من شعور الاحتياج … بخاف من شعور الوحده.. بخاف من شعور العجز .. بخاف من شعور الضعف.. بخاف من نفسي .. بخاف من تفكيري الي ممكن يبقي غلط .. بخاف من كلامي انه ممكن يجرح حد .. بخاف من مشاعري انها ممكن تسيطر عليا و تخليني ضعيفه.. بخاف من اندفاعيتي في سلوكي عشان ساعات كتير مبحسبهاش… بخاف انى متشافش من الناس او إن محدش يحس بيا او من الانطباع الي هيخدوة عنى …انا دايما خايفه… خايفه من كل حاجة… انا مش بس خايفه لا انا مرعوبه.. مرعوبه من كل دقيقه بتمر عليا و انا عايشه.. مرعوبه انى مش عايشه حياتي زى ما انا عايزاها… مرعوبه انى اموت دلوقتي و انا مش مستعده … انا عايزة اطمن .. عايزة اعيش لانى دلوقتي فعلا مش عايشه… و كل دقيقه بتعدى عليا بخاف اكتر و باخد قرارات غلط اكتر بسبب خوفي او بتجنب أصلا انى اعيش لانى عايشه بس جوة مخاوفي الي مبتنتهيش “.

خطورة اضطرابات القلق :

الكلمات الي كتبتهالكم هى بإختصار معاناه القلق المرضي و هى إن الشخص بيعيش خايف و حياته واقفه و متعطله و هو حاسس ان حياته بتضيع منه و هو مش عارف يعمل حاجه او ياخد قرار و عشان كدا اضطرابات القلق بانواعها بتعذب الي بيعاني منها و بتخليه عايش مجرد من روحه …
القلق مش بيروح مع الوقت بالعكس دا بيزيد و بيضيع حياتنا و احنا محبوسين جواه كأننا جوة زنزانه واخدين حكم مؤبد حبيسين افكارنا و مشاعرنا المتدمرة….


علاج اضطرابات القلق :


الحل و العلاج مش اننا ننفصل عن الناس و ننعزل و نتجنب اننا ناخد اي قرار او نقبل علي اي تجربه ..
الحل مش فاننا منخافش او منقلقش خالص لأن دا شعور صحي ربنا حاطه عشان يحمينا و لكن الحل فإننا نقلق قلق صحي يحركنا و يدفعنا لقدام مش يوقف حياتنا …
الحل فإننا نعمل استراتيجيه بنسميها في العلاج النفسي اسمها التعرض المباشر او التخيلي بمعني اننا نواجه مخاوفنا باننا نقر بيها قدام نفسنا و نواجهها واحده واحده بمساعده مختص .
العلاج انى اعرف حقيقه مشاعري و أسباب خوفي .
العلاج انى اعرف إيه السبب الي زرع الخوف و القلق جوايا و احلله و مسمحلوش يسيطر عليا ..
إيه اسوء حاجه ممكن تحصل ؟ لو عملت كذا او لو اخدت قرار كذا ؟
الشخص الي بيعاني من القلق الزائد هو عكس الشخص المندفع و المتسرع و الاتنين غلط لأن المتسرع هو الي بيعمل اي حاجه تطق فدماغه من غير ما يحسبها ولا يفكر فعواقبها و الشخص الي عنده اضطراب من اضطرابات القلق مبيعملش حاجه فحياته غير انه بيفكر فايه عواقب كل حاجه و إيه اسوء حاجه ممكن تحصل و هنا تكمن المشكله.. لان لمندفع بيعمل اخطاء بس بيتعلم منها لكن الشخص القلق بيمنع نفسه أصلا من اي تجربه او فرصه جديده..
الحل فإننا نعالج اخطاء التفكير و المعتقدات الغلط الي اتزعت فيك المتمثله في عدم الأمان و انك عايش دايما مهدد..

سبب تسميه اضطرابات القلق بالسجن النفسي:

20200411 123152 13694762793060096610 علاج السجن النفسي (اضطرابات القلق)


تعرفو ليه ارفقت صورة شخص مسجون في المقاله و كتبت العنوان إن اضطرابات القلق هى السجن النفسي لأن الشخص الي عنده #اضطراب_القلق هو شخص سجين لمخاوفه و افكارة و عايش مفزوع و متجنب انه يعيش عشان دايما خايف ..

كتب بواسطة: آية الجمل اخصائيه نفسيه اكلينيكية

اترك لنا تعليقاً

%d مدونون معجبون بهذه: